Ginpahayag sang Commission on Elections nga may yara sang isa ka scam nga nagatarget sa mga kandidato nga nagatanyag sang garantiya sang ila kadalag-an sa Eleksyon paagi sa mga balota nga na-shade na nga daan.
Suno kay Comelec chairperson George Garcia, santo sa scheme, ang pre-shaded ballots ang maganullify sang boto para sa opposing candidate.
Suno kay Garcia, technically, duha ka bilog ang shade, isa ang invisible shade kag ang isa amu ang ginashade sang botante.
Suno kay Commissioner Nelson Celis, ang Comelec ang may yara isa ka security feature agud masafeguard ang integridad sang mga balota kag sang bilog nga election process.
Nagpahanumdum naman si Commissioner Aimee Ferolino sa mga kandidato nga indi pag-ipatronize ang ini ang sahi sang offer kag ginpahayag nga wala sang “sure win” sa maskin ano nga Eleksyon.
