Nagpagwa ang Commission on Elections sang general instructions para sa voting process sang mga persons with disability, senior citizens kag mga nagabusong para sa 2022 Elections.Santo sa Resolution 10761, ang Emergency Accessible Polling Places (EAPPs) ang igatukod sa voting centers kag pili nga mga lugar para sa mga PWDs, senior citizens kag mga nagabusong nga mga voters.
Ang EAPP ang isa ka kwarto ukon makeshift/temporary polling place nga gintukod sa una nga panalgan sa ground sang voting center ukon sagwa sini apang may yara sang close proximity, kun sa diin ang isa ka PWD, senior citizen kag nagabusong nga mga botante sa Election Day.
Suno sa Comelec, ang isa ka EAPP ang dapat itukod sa mga lugar nga may yara sang isa tubtob pito ka mga barangay, duha para sa mga may yara sang walo tubtob 14 ka mga barangay, kag tatlo para sa mga 15 pasaka nga mga barangay.
Nagakadapat man nga ang mga EAPPs ang may yara sang nagakaigo nga lugar nga capable nga maka-accommodate sang indi magnubo napulo ka mga PWD, senior citizens kag nagabusong, lakip na ang mga nagagamit sang wheelchair kag mga naga-assist sa ila.
Ang pagboto sa EAPP ang magasugod alas 6:00 sang aga tubtob alas 5:00 sang hapon samtang ang voting in satellite sa EAPPs ang magasugod humalin alas 6:00 sang aga tubtob alas 2:00 sang hapon.
