Nagpanawagan ang Commission on Elections sa mga botante nga magaparehistro kadungan sang extension sang voter registration nga magparehistro sang temprano kag indi na paghulaton ang last minute.
Nahibaluan nga magaresume subong nga Lunes, Oktubre 11, ang voter registration matapos nga gin-extend sang Comelec kag ini ang magatakop sa Oktubre 30.
Sa interview sang Bombo Radyo kay acting Provincial Election Supervisor Atty. Ian Lee Ananoria, mas maayo kun temprano pa magparehistro ang mga botante kag indi na maghulat nga tatlo nalang ka adlaw ang nabilin antes ang deadline kag amo man ang pagpadulong sa Comelec offices.
Kun magginutok sa pila suno kay Ananoria, mabudlayan naman ang mga otoridad sa pagpatuman sang social distancing kag iban pa nga minimum health protocols.
Suno sa acting provincial election officer, dapat nga hingalitan sang mga botante ang extension sang voter registration nga ginhatag sang Comelec.
