Ginpasalig sang Commission on Elections (Comelec) nga sila nakahanda na sa pagresume sang printing sang official ballots para sa 2025 national and local elections sa Lunes, Enero 27, matapos madelay sang tatlo ka semana.
Suno kay Comelec chairman George Garcia, nagsulat na ang poll body sa Korte Suprema, nga nagapahibalo nga madayun nagid ang resumption sang ballot printing bwas, apisar nga may pila pa ka mga petisyon nga pending sa mataas nga hukom.
Paathag sini nga nakahibalo ang Comelec nga may mga pending pa nga petisyon sa Korte Suprema kag ini ang mahimo pa nga madugangan bangod may iban nga nakakuha sang Temporary Restraining Order gani ang iban ang na-impress man.
Madumduman nga nagdangat sa anom ka milyon nga mga naprintahan na nga mga balota ukon balor P132 million, ang ginbasura lamang kasunod sang issuance sang TRO sang Korte Suprema batok sa pagdisqualify sang pila ka mga nagapapili sa May 12 Midterm Elections.
Ang ballot printing ang dapat naresume na nakaligad nga semana, apang ini ang gin-atras bangod sa withdrawal ni Senatorial aspirant Francis Leo Marcos.
Ang Comelec ang nagset sang target nga maprint nga 1.5 million ballots kada adlaw.
