Nagpatigayon sang demonstration ang Commission on Elections (COMELEC) sa paggamit sang Automated Counting Machine sa probinsya sang Negros Occidental.
Kahapon may ginpatigayon nga voters education sa pagdemonstrate sang Automated Counting Machine nga gamiton sa 2025 midterm elections.
Suno kay COMELEC- Negros Island Region Director Atty Lionel Castellano, mas madasig kag mas transparent ang counting machine para sa mga botante bangod mahatagan ang kada-isa sang 20 segundos nga matsekyar ang ila boto ini matapos na nga gin-insert ang ila papel sa machine.
Suno diri, ang Automated Counting Machine nga gamiton ang mas klaro para sa mga botante.
Samtang sa Nobyemre tubtob Enero may ipadala nga tig-isa ka Automated Counting Machine sa tanan nga ciudad kag banwa sa bilog nga pungsod agud nga ipadala sa mga tagsa ka brgy kag idemonstrate sa mga pumuluyo.
Suno kay Castellano, ang demonstration ang patigayunon agud nga mahatagan sang ideya ang mga botante sa paggamit sang machine.
