May yara na sang nagfile sang Certificate of Candidacy para sa provincial position sa Negros Occidental.
Una nga nagfile sang COC amo sanday Negros Occidental 6th District Congresswoman Mercedes ‘Chedeng’ Alvarez para sa last term sini.
Kaupod sini kaina sang aga ang iya amay nga si former Vice Governor Genaro Alvarez Jr.
Nagfile man kaupod sang kongresista sanday 6th District Incumbent Board Member Jeffrey Tubola kag Sipalay City Councilor Genaro Rafael “Ralph” Alvarez nga magapapili sa pagka- Board Member.
Si Sipalay City Councilor Ralph Alvarez, ang bata ni Ilog City Mayor John Paul Alvarez kag hinablos ni Congresswoman Chedeng Alvarez.
Nagfile man sang COC si Bago City Mayor Nico Yulo sa posisyon bilang Board Member sang 4th District kaupod si aspiring 4th District Board Member Paola Alonso nga amo ang bata ni Board Member Jose Benito Alonso.
Si Board Member Jose Benito Alonso ang magapapili bilang bise gobernador sa probinsya.
Samtang, sa ciudad naman sang Silay, nagfile man kaina sang aga si incumbent City Mayor Joedith Gallego para magpare-elect.
Antes ini nagpadulong sa COMELEC- Silay City, nag-attend sa misa ang alkalde kaupod ang Team Ugyon Silaynon.
