Nagpaandam ang Commission on Elections (COMELEC) Negros Occidental batok sa premature campaigning sa mga kandidato sang Barangay and Sangguniang Kabataan Elections 2026 sa Nobyembre 2.
Suno kay Atty Ian Lee Ananoria, Provincial Election Officer sang COMELEC Negros Occidental, kun makafile na sang Certificate of Candidacy (COC) ang isa ka kandidato, dapat mahulat anay sang campaign period antes mangampanya.
Nahibaluan nga ang opisyal nga filing period sang COC para sa BSKE 2026 Elections ang maga-umpisa sa Setyembre 28 tubtob Oktubre 5, 2026.
Samtang, ang campaign period ang magasugod sa Oktubre 22 tubtob October 31, 2026.
Ginpahanumdom ni Ananoria ang mga kandidato nga dapat magsunod sa mga patakaran sang COMELEC.
Ginbuyagbuyag man sini nga sang nagligad nga BSKE elections, may ginsuspend nga kandidato sa banwa sang EB Magalona kag Cauayan bangud sa pagpangsolicit sang mga boto kag premature campaign.
Suno diri anugon loang ang pagdalagan sang isa ka kandidato kun madisqualify kag mahimo pa ini nga mapasakaan sang kaso kun may paglapas sa patakaran.
Gani panugyan sini sa mga magapapili sa BSKE elections nga likawan ang bisan ano nga campaign strategy nga mahimo magresulta sa reklamo ukon kaso sang premature campaigning.
Pahayag sini nga mas mainit pa ang Barangay elections kun ikumpurara sa national elections.
Pasalig sini nga gilayon nila hatagan sang tikang kun may complaint nga mabaton angot sa premature campaigning.
