Nagapanawagan ang provincial election supervisor sang Negros Occidental sa mga kandidato nga iparehistro na ang ila nga official social media page sa Commission on Elections.
Sa interview sang Bombo Radyo Bacolod kay Atty. Ian Lee Ananoria, indi man ini regulasyon sang COMELEC apang ini ang gindihon agud nga malikawan ang fake news.
Suno kay Ananoria, ang mga social media ang ginagamit man sang pila ka mga kandidato agud nga magkampaniya kag ang nasambit nga platform ang mahimo man gamiton sa pagpalapta sang fake news.
Ang social media platform ang ginagamit man agud nga magpalapta sang black propaganda.
Bangud sini gina-engganyo ang tanan nga magapapili sa 2025 midterm elections nga iparehistro ang mga official social media pages ukon accounts sa COMELEC agud nga matapna kag malikawan ang pagpalapnag sang fake news ukon propaganda.
Paagi man sa pagparehistro sang official social media accounts may yara sang sukton ukon accountability ang mga kandidato nga magkampanya paagi sa nasambit nga platform.
