Comelec – Negros Occidental, wala na nagabatun sang signature sheets para sa people’s initiative

Wala na nagabaton ang Commission on Elections (COMELEC) sang signature sheets para sa signature campaign sa pag-amyenda sa konstisusyon sang Pilipinas.

Suno kay Negros Occidental Provincial Election Supervisor Atty. Ian Lee Ananoria, matapos nga nagmando ang COMELEC sang suspension sa pagbaton sang signature sheets, nag-untat man sa pagbaton ang ila opisina.

Suno diri, as of January 26, nagdangat sa 248, 398 ang perma nga nabaton sang COMELEC office sang Negros Occidental.

Dugang pa sini, ang tanan nga perma ang taguon kag I-secure nila samtang nagahulat sang instruction gikan sa national office.