Ginkalipay sang provincial election supervisor sang Negros Occidental nga apisar nga may mga gamay nga glitches sa mga vote counting machines (VCMs) wala sang narecord nga major concerns ang probinsya maykaangtanan sa eleksyon.
Suno kay Atty Roberto Salazar, Generally Peaceful ang assessment sang Commission on Election (Comelec) kasubong man sang partner agencies kaangay sang Negros Occidental Police Provincial Office (NOCPPO), Armed Forces of the Philippines (AFP) kag Philippine Coast Guard (PCG) sa ginapatigayon nga piniliay sa probinsya sang Negros Occidental.
Nakaangkon lang ang mga ini sang gamay nga gliches sa VCM kaangay sang mga wala nagakaon balota nga nagatuga sang pagka-atrasar sang pagboto sang mga pumuluyo apang gilayon man nga nagakahimuan sang solusyon.
Magluwas sa mga stakeholders kag partner agencies nga nagbaka-baka sa pagseguro nga hilway kag malinong ang ginpatigayon nga eleksyon, ginpasalamatan man ni Salazar ang mga Negrosanon nga nagkooperar sa proseso sang eleksyon.
