Ginalauman sang Regional Director sang Commission on Election (COMELEC) – Negros Island Region nga matapos bwas nga adlaw ang Filing sang Certificate of Candidacy nga wala sang untoward incidents nga magluntad.
Suno kay Atty Lionel Marco Castillano, may yara sang naeksperyensyahan nga mga power interruptions sa bahin sang Negros Oriental kag Siquijor amo nga nagpanawagan ini nga kun mahimo ipa-iway anay ang mga schedule maintenance.
Suno diri, sang nagpatigayon sang Brgy elections ang Negros Oriental, ginpaidalum ini sa Comelec control kag santo sa guidelines, ang probinsya ang ilakip sa election watchlist.
Pahayag ni Castillano, mas maayo nga may ipatukod nga Regional Joint Security Control Center (RJSCC) agud nga maplastar ang security plan para sa NIR kag mahibaluan ang mga lugar nga tutokan.
Samtang, panugyan naman sini sa mga aspirants nga magafile sang Certificate of Candidacy nga likawan ang mga erasures kag siguraduhon nga insakto ang ginabutang sa form.
Dugang pa sini, mas maayo nga ipatsekyar anay sa COMELEC ang form agud nga wala na sang sala pa ukon kulang sa ipasa nga dokumento.
