Ginaengganyo sang regional director sang Commission on Elections – Negros Island Region ang mga botante nga makigbahin sa roadshow caravan agud nga mahibaluan ang mga bag-o nga features sang automated vote-counting machines (ACMs) antes ang 2025 midterm elections.
Nag-abot na ang ACMs para sa roadshow caravan ang nag-abot na sa Negros Occidental kag Oriental sang Biyernes, November 29 samtang ang ACMs para Siquijor ang gindeliver sang Sabado, Nobyembre 30.
Ginbantayan naman sang COMELEC-NIR ang pag-abot sang ACMs sang Biyernes kag ginpanagtag sa mga kabanwahan kag ciudad.
Ini ang ginalakipan man sang pagdeliver sang mga ballots kag ballot receptacles nga pagagamiton sa roadshow demonstrations regionwide.
Suno kay Atty. Leonel Castillano, panawagan sini sa political parties kasubong man ang stakeholders, mga kandidato kag mga botante nga monitoron ang facebook sang local COMELEC offices sa posting sang schedule sang roadshow kag dapat nga suportahan ini.
Suno kay Castillano, importante ang pagtambong sang mga botante sa demonstrations agud nga makahibalo ang mga ini sang bag-o nga features sang ACM antes pa man ang May 2025 elections.
Ginpahayag man ni Castillano nga ang indi familiar nga mga botante sa machines ang makatuga sang mahinay nga voting process.
