Ginpasalamatan sang Assistant Regional Director sang Commission on Elections – Negros Island Region ang kooperasyon sang mga kandidato nga nagpakigbahin sa 2025 midterm elections.
Sa interview kay Atty. Jossil Macute, nangin manageable naman ang piniliay sa Negros Island Region magluwas nalang sa shooting incident nga nagluntad sa Sitio Ipil Ipil, Barangay Mambulac, Silay City, Negros Occidental.
Apang suno kay Macute ang naresolba na matapos magsungka ang primary suspect kag sa karun ginpaidalum na sa imbestigasyon kag ang kaso sini ang igapasaka na sa Office of the Prosecutor.
Kadungan sini, ang COMELEC ang nagapasalamat sa mga kapulisan kag katapo sang Philippine Army nga nagpakita sang ila nga full support.
Suno diri, bilog nga adlaw sang Lunes yara ini sa Regional Election Monitoring and Action Center (Remac) sa Negros Occidental Police Provincial Office (NOCPPO) kaupod ang police, army, DILG, OCD kag mga manunudlo agud nga monitoron ang mga nagakalatabo sa bug-os nga rehiyon kadungan sang pagpatigayon sang 2025 Midterm elections.
Bangud sini natigayon nila maresolve ang natabo nga shooting incident sa sulod lamang sang inoras kag natumod man gilayon ang suspek.
