Naghatag sang isa ka bulan ang pinuno sang Commission on Elections-Negros Island Region sang isa ka bulan agud nga maconsolidate paagi sa Provincial Joint Security Control Center (PJSCC) ang security plan kag recommendation sang Philippine Army kag Philippine National Police para sa nagahilapit nga piniliay.
Suno kay Atty Lionel Marco Castillano, Regional Director sang COMELEC – NIR, wala pa sang natingob nga security plan ang militar kag ang mga kapulisan gani ginhatagan niya ang mga ini sang isa ka bulan agud nga mapungkuan ini sa PJSCC kag makadihon sang security plan, contingency plan, kalakip na ang election areas of concern.
Suno kay Castillano, nagahatag lamang sila sang guidance kun sa diin may recommendations ang army kag may yara man ang Philippine National Police.
Suno diri kinahanglan nga ifuse ang mga recommendation sang PNP kag Army kag ipasa sa Regional Joint Security Control Center (RJSCC) bilang collegial body.
Ang magapagwa naman sang official nga listahan sang election areas of concern amo Gun ban and security concerns committee sang COMELEC bangud sila ang nagaapproved sini.
Ang Gun ban and security concerns committee ang ginabug-usan sang COMELEC, PNP kag AFP.
Samtang ang mga election officers naman sa tagsa ka mga ciudad kag kabanwahanan ang ginhatagan sang duha ka semana nga makadihon sang contingency plan para sa 2025 midterm elections.
Ginpahayag man sang COMELEC nga bisan ano matabo madayon ang eleksyon apisar nga hugot nga ginabantayan ang aktibidad sang Bulkan Kanlaon.
