Nagpanawagan ang direktor sang Commission on Election – Negros Island Region sa mga kandidato nga sundon ang layi sang COMELEC angot sa pag-umpisa sang local campaign period.
Sa interview sang Bombo Radyo kay Atty. Lionel Marco Castillano, iya ginalauman nga sundon sang mga kandidato ang layi bangod kun indi man sila madakpan sang COMELEC mahimo sa gihapon nga madakpan sila sang iban man nga kandidato kag indi man sini luyag nga mapierde ang isa ka kandidato bangod lang sa pagbayolar sa layi.
Suno diri, sa Oplan Baklas aminado ini nga indi nila mahimo ang trabaho adlaw-adlw apang pahayag ni Castillano, wala man sila nagkulang sa pagbreifing sa mga kandidato angot sa rules and regulations sa pagpangampanya.
Nagpanawagan ini nga kakson ang mga posters nga ginpilit sa mga kahoy kag sa gwa sang common poster areas kasubong man nga nagpahanumdom ini sa mga kandidato nga likawan nga magkadto sa pagpahatag sang ayuda bangod indi pwede nga ang kwarta sang gobyerno gamiton sa pagpromote sang kaugalingon.
