Pilason ang Comelec officer sang banwa sang Datu Odin Sinsuat, Maguindanao del Norte samtang patay naman ang iya nga bana matapos sila ang gin-ambush kaina sang aga.
Sakay sang ila nga SUV sanday Datu Odin Sinsuat Municipal Election Officer Maceda Lidasan Abo kag iya bana nga si Jojo Abo kag padulong kuntani sa Municipal Election Office sa Barangay Dalican sang ginpaarakan sang luthang ang ila salakyan sa Barangay Makir, kapin alas-8:30 kaina sang aga.
Ini ang ginkumpirmar ni Maguindanao del Norte Provincial Election Supervisor Atty. Mohammad Nabil Mutia.
Wala na naghatag pa sang dugang nga detalye si Mutia apang ini ang nagpasalig nga sila ang nagakoordinar sa otoridad agud mabuligan ang mag-asawa kag ang ila pamilya.
Sa karun padayun ang hot pursuit operation sang kapulisan sa mga suspect.
