Ginpahayag ni presidential candidate Vice President Leni Robredo sa Commission on Elections’ presidential debates nga igaduso sini ang pagpasar sang layi nga nagahatag sang P100 billion stimulus fund kun siya ang mangin presidente.
Gin-note ni Robredo nga ang urgency sang kaangay nga stimulus package para sa MSMEs account nga may yara sang 5.7 million employees.
Suno kay Robredo bangud sa pandemya, 76,000 MSMEs ang kinahanglan nga mag-untat sang operasyon bangud sa COVID-19 pandemic.
Suno diri ang pinakadako nga market sang MSMEs ang gobyerno, gani dapat may layi ang gobyerno nga magahatag sang pondo para sa MSMEs nga ginabaklan sang mga ini.
Samtang kasubong man ni VP Leni, ginpahayag man ni presidential candidate Senator Panfilo”Ping” Lacson sa Commission on Elections’ (Comelec) PiliPinas Debates 2022, nga unahon man sini ang micro, small, medium enterprises MSMEs bangud 99.5 percent sang enterprises sa pungsod ang nagikan sa mga MSMEs kag mga nadulaan sang trabaho nga nagdangat sa kapin 400,000.
Bangud sa nadulaan sang trabaho sa MSMEs, nagikan sa 5.7 million nangin 5.3 million na lamang ang mga empleyado diri.
Pagahatagan man ni Lacson ang sektor sang agrikultura.
Samtang, tutukan naman ni presidential candidate Ka Leody de Guzman ang agriculture agud masiguro nga mahatagan sang food security ang pungsod.
Suno diri kun ang una nga dapat pokusan ang pagbangon liwat sang argrikultura agud nga makahimo sang madamo nga pagkaon ukon nagakaigo nga pagkaon sang mga pumuluyo bangud madamo sang kabataan sa karun ang malnourished, madamo ang nagakagutom.
Luyag man sini nga e repeal ang Rice Tariffication Law kag indi sini luyag nga mag-import sang pagkaon para sa pungsod.
Food security man ang pagatutukan ni Presidential candiate Manila City Mayor Isko Moreno Domagoso.
Sa Commission on Elections’ (Comelec) PiliPinas Debates 2022, ginpahayag ni Moreno nga ang gobyerno ang dapat nga mag-invest sa post harvest facilities kasubong man lantawon ang presyo sang gatong kag abono agud masiguro ang food security.
Pagatutukan naman ni presidential candidate Manny Pacquiao ang pagpasanyog sang gross domestic product (GDP) sang pungsod agud nga mas mapadasig ang recovery sang ekonomiya kun siya ang mangin mapalaron sa May 9, 2022 elections.
Ginpaathag ni Pacquiao sa tion sang Commission on Elections (Comelec) PiliPinas Debates 2022, nga ang GDP ang may yara sang apat ka elements nga ginalakipan sang consumption, investment, government spending, kag net export.
Suno kay Pacquaio sa consumption dapat may yara sang nagakaigo nga production kag indi dapat mag-export.
Dapat man magdamo ang investors sa pungsod nagikan sa iban nga pungsod kag maghatag sang sang zero interest loans para sa micro, small, and medium enterprises (MSMEs) agud nga makaumpisa sang kaugalingon nga negosyo kag maggenerate sang madamo nga trabaho para sa mga Filipino.
