Ginpasiguro sang Commission on Elections nga indi makalusot ang mga botante nga may tinutuyo nga may yara sang multiple registration agud nga makaboto sa pila ka mga presinto sa masunod nga piniliay.
Suno kay Comelec spokesperson Atty Rex Laudiangco, ginabantayan na sang commission ang posibilidad sang pagduging sang mga nasambit nga botante ukon ginatawag nila nga flying voter.
Bangud sa nagagamit na ang commission sang automated fingerprint identification system sa registration, nabantayan na ang tagsa nga nagaparehistro kun may yara sila sang mga anay record sa commission.
Sa tion nga matumod nga may yara sang anay nga record gikann sa iban nga presinto, automatic nga macancel ang application sang mga ini.
Suno kay Laudiangco, nakalusot ini sang nakaligad nga piniliay kag masobra sa 500,000 double kag multiple entries ang ila nga namonitor santo sa ginpatigayon nga imbestigasyon sang komisyon.
Isa sa mga ginabantanyan sang komisyon ang posibilidad sang paghakot sang mga kandidato sang ila nga mga botante nagikan sa isa ka lugar kag iparegister ang mga ini sa lugar kun sa diin magapadalagan ang nasambit nga kandidato.
Apang suno kay Laudiangco, gamit ang bag-o nga systema sang komisyon, madasig nga ini nga matultulan sang Comelec kag nakahanda ini magpasaka sang election offense batok sa mga kandidato kag mangin sa mga botante nga nagpagamit.
