Mensahe sang Commander sang 3rd Infantry Division sang Philippine Army nga i-apresyar ang sakripisyo sang mga baganihan sadto para sa kahilwayan sang pungsod karun nga ginadumdom ang National Heroes Day.
Sa interview sang Bombo Radyo Bacolod kay Major General Joey Escanillas, makabig na nga balos sa sakripisyo sang mga baganihan kun gina-apresyar ang nahatag nila nga kahilwayan para sa mga nagsunod nga henerasyon.
Kaangay sang pagpakigbato sang mga Pilipino sadto agud malab-ot ang kalinong, ang Philippine Army ang padayun man sa pagpaninguha nga mapabilin ang kalinong kag kauswagan apisar sa nagapamilin nga presensya sang New People’s Army.
Ginapakamaayo naman ni Escanillas nga humalin sang siya ang nag-assume sa pwesto, wala na maayo sang narecord nga engkwentro.
Samtang gonpahanumdom man sini ang pahayag ni Dr Jose Rizal nga ang ‘kabataan ang pag-asa ng bayan.’
Apang suno diri, kun sila ang pabay-an lamang sa ila kaugalingon, mahimo nga sila ang magtalang man sa kalainan.
Gani pangabay ni Canillas sa mga ginikanan, manunudlo, kag mga adults sa komunidad nga giyahan ang mga kabataan para sa mas maayo nga puturo sang pungsod.
