Ginkalipay kag ginpasalamatan sang commander sang 79th Infantry Battalion sang Philippine Army ang tanan nga nagpalab-ot sang congratulatory messages sa ila matapos ang ila nga accomplishment.
Madumduman nga 19 ka mga gina-alegar katapo sang New People’s Army ang napatay sa nagluntad nga Toboso encounter sang Abril 19, 2026.
Sa interview sang Bombo Radyo Bacolod kay Lt Col. Eric Alfonso, ang bug-os nga 79th Infantry Battalion ang nagapasalamat sa nabaton nila mga mensahe sang pagpanginbulahan.
Suno kay Alfonso, padayon lang nila nga ubrahon ang ila nga mandato kag ila nga accomplishment sang tinalikdan ang kabahin sang ila nga duty.
Suno diri, magapadayon ang 79th IB sa pagtuman sang ila mandato nga proteksyunan ang mga pumuluyo kag mga komunidad sa Northern Negros.
Ang mga mensahe sa pagpanginbulahan nga ila nabaton ang makapabaskog pa sa ila moral sa pagtrabaho agud nga matuman ang ila nga mission.
Mensahe sini sa nagakwestiyon sang legitimacy sang ila operasyon nga sila man sa 79th IB, Philippine Army ang mga Kristiyano kag Katoliko nga nagapati nga hamili ang kabuhi.
Apang kinahanglan nga maintindihan sang mga pumuluyo nga ang Philippine Army ang may mandato nga ginatuman kag kinahanglan nga depensahan ang mga pumuluyo kag pungsod sa bisan ano nga threat groups nga tinutuyo nga tumbahon ang gobyerno.
Dugang sini, paano nalang kung wala sang Philippine Army nga nagapakigbato para sa demokrasya mahimo nga madugay na nga ang Pilipinas ang yara na sa idalom sang communism regime.
Ginpasalamatan sini liwat ang mga pumuluyo nga padayon nga nagasuporta sa Philippine Army.
