Hugot nga nagapanindugan ang commander sang 94th Infantry Battalion sang Philippine Army nga propaganda lamang sang New People’s Army ang ila ginpagwa nga statement nga may kaangtanan ang tropa ang pagmassacre sa Pamilya Fausto sa Sitio Kangkiling, Brgy. Buenavista, Himamaylan City sang Miyerkules sang gab-i.
Suno kay Lt. Col. Van Donald Almonte, diversion lamang sang impormasyon kag propaganda sang makawala nga grupo ang pagpasibangod sa ila nga amu ang nagpaarak sang luthang sang pamilya sang mangunguma.
Suno kay Almonte, sang nagliligad nga mga binulan, may mga sibilyan nga ginpangpatay ang mga NPA bangud ila ginadudahan nga nagabulig sa mga suldado.
Suno diri, makaistorya lamang ang isa ka persona sa militar, ginadudahan na ini sang mga rebelde.
Dugang pa sini nga isa sa mga bata ni Rolly kag Imelda Fausto ang nakapamana sang bata sang NPA.
Suno sa iya, ang mga in-laws sang bata ni Rolly ang mga aktibo nga miyembro sang makawala nga grupo.
Suno kay Almonte, kilala na nila si Rolly bangud ini ang ila gina-istorya agud mag-engganyo sa mga ini nga magbalik na sa sabak sang gobyerno bangud luyag man sini nga makapangabuhi na ang mga ini sang normal.
