Ginpahayag sang station commander sang Bacolod Police Station 1 nga sang July 2019 nag-umpisa ang implementasyon sang pag-issue sang National Police Clearance.
Sa interview sang Bombo Radyo Bacolod kay Police Major Ramel Sarona, station commander sang Bacolod Police Station 1, agud ang makakuha sang national police clearance, dapat maglog-on sa National Police Clearance System (NPCS) agud makakuha sang appointment, magbayad gamit ang account sa Landbank, Gcash ukon Bancnet.
Apang suno kay Sarona sa wala nakakuha sang appointment sa online mahimo ang mga ini ang makapadulong sa station sila ang pagabuligan man nga maglog-on kag makakuha sang ila nga national police clearance.
Suno sa station commander madasig lang man ang pagkuha sang national police clearance kun wala sang HIT apang kun may yara ginatinguhaan nila marelease ang clearance sa sulod sang tatlo tubtob apat ka adlaw.
May yara man sang personnel sa station 1 nga nagacheck sang data agud nga mahibaluan kun ang nagapply agud magkuha sang clearance.
Ginpahayag man ni Sarona nga ang impormasyon ang direkta man nga ginafeed sa national headquarters sang mga ini sa Camp Crame.
Aminado man ini nga medyo malaba ang pila sang mga nagakuha sang police clearance sa ila estasyon kag nagpanugyan man ini sa mga first time job seekers nga magkuha sang barangay clearance nga nakabutang nga sila ang first time job seekers agud nga libre ang ila national clearance.
Suno sa tion nga magkuha na sang national clearance sa station 1 magdala lamang sang duha ka valid government IDs.
Ginatinguhaan man sang pamunuan sang Philippine National Police nga madugangan ang nagaissue sang national police clearance.
Samtang ginpahayag naman ni Jeofrey Diaz sang Purok Arao, Barangay Vista Alegre, Bacolod City, isa man sa nagkuha sang national police clearance, convenient man ang proseso bangud may online appointment na apang kuntani madugangan man ang police station nga nagaissue sang national police clearance agud nga indi man magtama kadugay ang ila nga pagpila.
