Ginhatagan sang duha ka adlaw ang Commission on Elections- Bacolod sa pag-verify sa mga pangalan kag na-encode nga impormasyon sang mga nagapapili para sa Barangay and Sangguniang Kabataan Elections 2023.
Sa interview sang Bombo Radyo Bacolod kay Bacolod City Election Officer Atty. Kathrina Trinio Caña, padayon ang verification sang mga nagfile sang Certificate of Candidacy sa ciudad sang Bacolod.
Kahapon ginsuguran ang pag-verify sa mga impormasyon nga na-encode sang COMELEC kag ang verification process magatakop subong nga adlaw.
Suno kay Cana, nagbalik ang tanan nga mga kandidato para sa verification.
Masobra sa 2,800 ang tanan nga nag-file sang COC apang ginalauman sini nga mabuhinan pa ang numero matapos ang verification.
Samtang, nakadepende naman sa assessment kag disqualification nga ifile sa kandidato ang posible nga makapakakas sa iya sa pagpadalagan sa eleksyon.
