Nakahanda na ang Commission on Elections- Bacolod sa pag-umpisa sang campaign period para sa national candidates.
Sa interview sang Bombo Radyo kay Atty. Revo Sorbito, Bacolod Comelec Election Officer, nakahanda na ang ila opisina para magbantay sa mga operations.
Suno diri, nakahibalo naman ang mga kandidato sa mga pagsulondan kaangay na lamang sa pagpost sang ila mga campaign material sa common posters area kag ginadumilian ang pagpost sa public places, sa mga kahoy kag poste kag kun diin-diin lang, apang kun sa private place naman, wala na sang may mahimo ang COMELEC.
Suno pa diri, kadungan sang pag-umpisa sang campaign period maumpisa man ang ila baklas operation kaupod ang mga kapulisan kag ahensya sang gobyerno.
Panawagan ni Sorbito, nga sundon ang mga layi para sa campaign period agud mapabilin nga peaceful kag mangin successful ang election sa ciudad.
Ang campaign period para sa mga Senador kag Partylist representatives maga-umpisa sa Pebrero 11, samtang amg local campain period naman maumpisa sa Marso 28.
