Hugot nga ipatuman sang Commission on Elections (Comelec) ang regulasyon sa campaign materials sa idalom “Operation Baklas” kadungan sang pag-umpisa sang official campaign period para sa nationally elected positions para sa 2025 midterm elections sa February 11, 2025.
Gin-emphasize Comelec Chairman George Garcia nga dapat kakson sang local Comelec offices ang mga campaign materials nga wala nagcomply sa size limitations ukon ang ginpangtapik sa indi otorisado nga pampubliko nga lugar.
Suno kay Garcia may yara sang Operation Baklas kun sa diin ang mga local Comelec offices ang magakakas sang campaign materials agud masiguro nga nagacomply ini sa size limitations.
Ang nasambit nga mga materyales ang mahimo lang ibutang sa designated nga pampubliko nga lugar.
Apang indi man nila matandog ang mga nakatapik sa bisan diin nga pribado nga lugar.
Ang Comelec ang magapatuman man sang hugot nga pagsulundan batok sa vote buying kag vote selling.
Mahimo nga ireport sang mga pumuluyo ang insidente kalakip na ang mga litrato ukon videos sa Committee on Kontra-Bigay.
Suno kay Garcia ipresume sang Comelec nga ang kandidato ang imbulbado sa pagpamabakal sang boto kun ang mga suspiscious nga aktibidad ang nagluntad sa mga residente ukon sa headquarters.
