Indi pabor ang Commission on Elections nga magpatigayon sang one-on-one debates bangud indi ini mangin patas sa mga kandidato.
Suno kay Comelec Commissioner George Garcia, ang mga media networks ang sarang nga makapatigayon sang one-on-one debates apang indi ang Comelec.
Suno sa iya, maayo para sa iban nga network kun maghiwat sila sang one-on-one nga debate sa maskin sin-o nga kandidato apang indi gid ini paghimuon sang Comelec.
Suno kay Garcia, ini bangud ang poll body ang dapat magpabilin nga patas kag neutral.
Suno diri, tanan nga kandidato ang may yara sang tiyansa nga mahatagan sang ila kaugalingon nga stage kag tion.
Gani sila sa Comelec ang dapat impartial kag neutral ilabi na sa eleksyon.
Gindugang man sini nga tanan nga kandidato ang dapat mahatagan sang tiyansa nga i-eksplekar ang ila bahin sa mga issues.
Madumduman nga ginhangkat ni Senador Manny Pacquiao si anay senador Bongbong Marcos sa one-on-one debate agud nga maplastar sini ang iya plataporma de gobyerno.
Si Marcos ang absent sa una nga presidential debate nga ginpatigayon sang Comelec sang Marso 19.
