Ginpahanumdom sang Commission on Elections (COMELEC) – Negros Island Region sa mga kandidato ang mga pagsulondan sa pag-umpisa sang campaign period para sa Senatorial candidates subong nga adlaw.
Sa interview sang Bombo Radyo kay COMELEC – NIR Director Atty Lionel Marco Castillano, nag-umpisa na kaina sang aga ang operation baklas sa pagpangkakas sa mga posters kag campaign materials nga wala nagasunod sa guidelines.
Suno diri, wala ginapahanugotan ang tarpaulin nga masobra sa 2 by 3 feet, mga posters nga ginatapik sa mga taytay, waiting sheds, puno, kag poste, apang suno kay Castillano bisan ano pa ang size sang tarpaulin basta yara ini sa sulod sang private area, wala na sang may mahimo ang COMELEC.
Samtang, nagpahanumdom man ini sa mga candidates nga mangin aware sa maggastos nga kwarta para sa pagpangampanya agud wala sang overspending nga matabo kag malikawan ang problema.
Paathag ni Castillano, indi sila makapangbaklas bilog nga adlaw bangod indi lang ini ang ila trabaho.
Mensahe sini sa mga botante nga lantawon kun sin-o ang nagasunod sa layi kag ang wala kag lantawon ang kwalipikasyon sang kandidato nga pilion.
