Commission on Elections, nagapangabay sang kooperasyon sa patigayunon nga COMELEC checkpoint kadungan sang pag-umpisa sang election period

Nagpangabay ang Commission on Elections ukon Comelec sa publiko nga mag kooperar sa otoridad sa election checkpoints kag magreklamo sa tion nga may pagpangabuso ang otoridad.

Suno kay Comelec Chairman George Garcia, nga ipatuman sang otoridad ang ‘plain view doctrine’ sa tion sang inspection.

Ginpaathag ni Garcia, sa tion sang checkpoint, dapat nakauniform ang mga personnel sang law enforcement agencies para mahibaluan ang ila nga ngalan.

Nagpahanumdom man ang Comelec sa publiko nga ang dapat yara ang ngalan sang station commander kag ila contact number sa Comelec checkpoint signage para mahapos sila nga maka reklamo

Subong nga adlaw, Enero 12, maga umpisa na ang election period kadungan sang pagpatuman sang gun ban.