Nagpaandam ang Commission on Elections Bacolod sa mga tuyo magpadalagan sa Barangay and Sangguniang Kabataan Elections sa ila pagpangampanya antes kag matapos ang campaign period nga natalana sa Oktubre 19 tubtob Oktubre 28.
Sa interview sang Bombo Radyo kay Bacolod City Election Officer Atty. Kathrina Cana, wala pa sila sang jurisdiction sa pagkakas sang campaign materials nga natapik sa area sang Bacolod samtang wala pa ang campaign period.
Apang nagpaandam lamang ini sa mga kandidato kag tuyo nga mag-file sang Certificate of Candidacy, nga kun ang sila mag-file sang COC, sulod na ang mga ini sa premature campaining kasubong man nga may posibilidad nga maangot ini sa allowable election expenses.
Suno diri, P5 lang ang allowed nga expenses para sa kada registered voters sa kada barangay.
Suno diri, ang campaign period ang maga-umpisa sa Oktubre 19 tubtob Oktubre 28 kag indi pagpahanugutan ang pagkampanya antes ukon matapos ang campaign period.
Nakadepende naman sa complaint sa mga kandidato ang posibilidad nga I-disqualify ang mga ini sa pagpadalagan sa BSKE angot sa ila pagkampanya.
