Padayon ang preparasyon sang Commission on Elections para sa Barangay and Sangguniang Kabataan elections nga natalana sa Disyembre 5 subong nga tuig.
Suno kay Provincial Election Supervisor Atty. Roberto Salazar, nakasentro ang atensyon sang Comelec sa pagpadayon sang Barangay and SK Elections sa Disyembre, magluwas lang kun may ipasar ang Kongreso nga hagna nga magapostpone ukon magaisol sang piniliay.
Suno kay Salazar, manual lang ang eleksyon sa Barangay kag Sangguniang Kabataan apang indi naman magab-ihan ang pag-isip sang mga boto.
Suno sa Comelec official, mahimo nga tubtub 400 lang ang botante sa kada presinto gani madamo man ang miyembro sang electoral board nga magaisip sang boto.
Aminado naman ini nga mainit man ang eleksyon sa barangay bangud pinamilya ini kag kilalahay ang mga pumuluyo sa isa ka barangay.
