Nagalaom ang Commission on Elections sa Negros Occidental nga maisa ang listahan sang election watchlist areas sa probinsya samtang nagahilapit ang Barangay and Sangguniang Kabataan elections.
Tinalikdan nga semana, ginpahayag sang Armed Forces of the Philippines Visayas Command nga 17 ka mga banwa kag ciudad sa Negros Occidental ang nalakip sa Election Watchlist Areas may kaangtanan sa eleksyon.
Ini ang ginalakipan sang Salvador Benedicto, bilang area of concern; Silay City, Victorias City, Toboso, Binalbagan, Himamaylan City, Kabankalan City, Hinobaan, Sipalay City, Isabela, La Castellana, Calatrava, Ilog, kag Cauayan, bilang areas of immediate concern; kag Candoni, Moises Padilla, and Escalante City bilang areas of grave concern.
Suno kay Negros Occidental Provincial Election Supervisor Atty. Ian Lee Ananoria, wala pa sila sang listahan bangud ginahulat pa kun sanday sin-o ang mga kandidato.
Suno diri, may mga parameters man ang Philippine Army sa pagdeterminar sang EWAs.
Nagalaom naman ini nga makasapol ang Joint Peace and Security Coordinating Center agud nga mareconcile ang record.
Santo sa calendar of activities sang Comelec, Agusto 28 tubtub Setyembre 2 ang filing sang Certificate of Candidacy para sa Barangay and Sangguniang Kabataan elections.
