Generally successful kag zero major incidents ang narecord sa ginpatigayon nga Barangay and Sangguniang Elections 2023 kahapon.
Sa interview sang Bombo Radyo kay Negros Occidental Provincial Election Supervisor Atty. Ian Lee Ananoria, may yara sang patas nga mga resulta sa mga boto kag ini ila ginapilian pamaagi sa drawlots.
Suno diri, kun wala sang patas sa resulta mahimo na nga maproklamar ini nga tagdaog.
Pahayag ni Ananoria, nagpagwa sang disqualification case ang 14 ka mga kandidato sa Barangay Elections sa EB Magalona, Negros Occidental.
Suno diri, may yara man sang kaangay sini nga kaso sa ciudad sang Sipalay.
Ginkumpirmar man sini nga isa lang ka barangay sa bilog nga probinsya ang gindagdagan sang suspended proclamation inkaso nga sila magdaog.
Samtang, dako naman ang pagpasalamat sini nga madutay na lang ang makita nga mga posters nga makit-an bangod man sa pagpalapta sang awareness sa tanan sa layi angot sa pagpanapik sang poster.
Kasubong man nga ginpasalamatan sini ang Philippine National Police, Armed Forces of the Philippines kag Philippine Coast Guard kasubong man sa mga pumuluyo nga nagsuporta sa maiinong nga pagpatigayon sang pagbotohay sa Barangay and Sangguniang Election 2023.
