Subong nga adlaw ginalauman nga mafinalize ang committee assignment sa Sangguniang Panlungsod sang Bacolod City.
Suno kay Bacolod City Vice Mayor El Cid Familiaran, wala pa nadihon sang majority ang chairmanship sang mga komitiba sa Sangguniang Panlungsod kag ginalauman nga ini ang madesisyunan sa session subong nga adlaw ukon pila ka oras antes ang session.
Suno sa bise-alkalde, ang labing una nila nga caucus ang meet and greet sa mga key personnel sa SP kaangay sa mga nagapreparar sa payroll. mga in charged sa property custodial, SP secretary kag kun ano ang mga protocols.
Kahapon, ginkumpirmar man ni Mayor Albee Benetiz nga magaupod ini sa session sang SP subong nga adlaw.
Gindugang man ni Familiaran nga sa session karun, sarang gid nga ma-ammend ang mga internal rules sa konseho depende sa mangin desisyon sang majority.
