Nagalaom ang chairman sang committee on transportation sa Sangguniang Panlungsod sang Bacolod nga mahatag ang subsidy sa transport sector apisar nga nag-umpisa na ang banning bangud sa election campaign period.
Sa interview sang Bombo Radyo Bacolod kay Councilor Dindo Ramos, ang Land Transportation Franchising and Regulatory Board (LTFRB) ang mahimo nga magpangayo sang exemption sa Commission on Election agud nga mapadayon ang pagpanghatag sa subsidy sa transport group.
Suno sa konsehal ang subsidy sang mga jeepney drivers ang ginapaagi sa atm cards.
Suno kay Ramos ang ayuda para sa mga drivers ang indi man proyekto sang mga pulitiko gani mahimo man ini ma-exempt.
Suno diri, ang LTFRB ang mahimo gid makaapelar sang exemption sa baning sang budget para sa subsidy nga madugay na nga ginapaabot sang mga drivers.
