Magapatawag sang committee hearing online si Councilor Atty. Dindo Ramos sa masunod nga semana may kaangtanan sa pagbukas sang motor vehicle inspection center.
Suno kay Ramos, sang tinalikdan pa ini kuntani nagaplano nga magpatigayon sang committee hearing tuhoy sa MVIC apang bangud ginsuspendi ini sadto, wala natigayon ang hearing.
Bilang chairman sang Committee on Transportation sa Sangguniang Panlungsod, luyag sini kuntani nga idiffer anay ang implementasyon sang MVIC kag indi ini dapat pag-itugyan sa pribado nga mga kumpaniya kundi sa Land Transportation Office.
Suno sa iya, bangud mando ini sang national government, wala sang may mahimo ang local government unit kundi ang mag-apelar.
Nagasuporta man si Ramos sa hingyo sang mga drivers nga pasakaan ang plete bangud sa asod-asod nga pagsaka sang presyo sang gasolina.
Gindugang man sini nga magapangayo ini sang paathag sa Land Transportation Franchising and Regulatory Board paagi sa isa ka resolusyon sa masunod nga semana tuhoy sa Libre Sakay Program.
