Patigayunon sa masunod nga tuig sa ciudad sang Bacolod ang Community-Based Monitoring System (CBMS) survey.
Sa interview sang Bombo Radyo Bacolod kay Bacolod City Mayor Greg Gasataya, ang request sang Philippine Statistics Authority sa ila pagdiskusyon nga sila ang mapatigayon sang CBMS survey bangud may yara ang mga ini sang expertise kag technology.
Suno kay Gasataya sang nagligad, ang ciudad ang nagpatigayon sang CBMS survey gani may mga wala nahimo nga dapat ulubrahon.
Suno sa alkalde bukas man siya nga ang PSA ang mapatigayon sang nasambit nga survey bangud halin pa man sang una ang ahensya na ang nagapatigayon sini samtang ang ciudad ang magahatag sang pondo para sa pagpatigayon sang survey.
Ginaduso ini sang alkalde bangud tuman na kadamo nga mga programa ang ginapatigayon sang gobyerno nga ang ginabasehan sang mga beneficiaries ang CBMS.
