Ginapreparar na sang San Carlos City Police Station ang reklamo nga ipasaka sa mga natumod nga suspetsado sa pagransack sang isa ka mall sa ciudad sang tinalikdan nga Agosto.
Sa interview sang Bombo Radyo Bacolod kay Police Major Ryan Villasario, Deputy Chief of Police sang San Carlos City Police Station, may natumod na sila nga mga suspetsado nga responsible sa pagpangawat sa Gaisano Capital sa ciudad sang San Carlos.
Suno kay Villasario, gani ginapreparar na ang mga dokyumento agud nga mapasaka na ang reklamo.
Dugang pa sini nga ang duha ka mga persona nga nakuhaan sang P2.3 million nga balor sang suspected shabu sang tinalikdan ang wala kahilabtanan sa pagransak sa nasambit nga mall.
Ginpahayag man sini nga ang mga suspek nga natumod nila nga nagransak sang mall ang indi residente sang Negros Occidental.
Suno pa diri, wala naman ang mga ini sa probinsya kag sa karun ginapapreparar na sang imbestigador ang dokyumento agud nga mafile ang criminal complaint batok sa natumod nga suspetsado.
