Gindismiss sang Office of the City Prosecutor ang complaint nga ginfile sang empleyado sang Bacolod Traffic Authority Office batok kay City Councilor Al Victor Espino.
Madumduman nga nag-ugat ang complaint nga grave threats kag oral defamation sang nagpadulong si Espino sa opisina sang BTAO sang Oktubre 18.
Santo sa complaint sang empleyado nga si Abner Salvallon, 59-anyos kag residente sang Deca Homes, Barangay Cabug, Bacolod City, nagpadulong si Espino sa ila nga opisina alas-5:30 sang hapon kag ginaalegar nga siya ang ginsinggitan.
Suno kay Salvallon nga nagaserbe bilang building guard sang BTAO, ginwahig ni Espino ang iya kamot kag ginpahog paagi sa pag-alsa sang iya bayo agud nga ipakita ang iya armas nga yara sa iya natuo nga hawak.
Bombo file photo
Suno sa BTAO employee, ang insidente ang nasaksihan sang iban nga empleyado nga sanday Psyche Rasco, Mary Ann De La Torre kag anay BTAO head nga si Police Major Junji Liba.
Apang suno kay Espino, nagpadulong ini sa BTAO bilang public official kag chairperson sang committee on transportation sa City Council agud nga iverify ang complaint sang hinablos sang iya abyan angot sa alleged carnapping kag wala ini nagpakiwal sang armas.
Sa resolution nga ginpagwa ni Senior Assistant City Prosecutor Albert Arles kag aprubado ni City Prosecutor Ma. Theresa Ditching, gindismiss ang grave threats under Article 282 ang Revised Penal Code kag oral defamation nga punishable man sa idalom ang Revised Penal Code batok kay Councilor Al Victor Espino bangud sa lack of probable cause.
Ang resolution ang ginpagwa sang Oktubre 31.
