Ginkansela sang award-winning singer nga si Bryan Adams ang iya nga concert sa Western Australia.
Ini bangud sa giant fatberg, kun sa diin gin-abisuhan siya sang mga otoridad nga ang nasambit nga problema ang makatuga sang pagkabara sang mga kasilyas sa venue nga magatuga sang potensyal nga risgo sa ikaayong-lawas.
Ginkansela ang sold-out show sa Perth’s RAC Arena pila ka oras antes ang performance sang Grammy award-winning singer sang iya nga “So Happy It Hurts” tour, nga nagtuga sang pagkadismaya sang linibo ka mga fans samtang ang mga trabahante ang nangin masako sa pagkakas sang madamo nga tubig malapit sa venue.
Ginlimpyuhan sang mga water corporation crews sa lugar ang mga nagbara nga tambok, grasa kag trapo nga nagtuga sang pag-awas sang pila ka mga kanal sa lugar malapit sa arena.
Gin-abisuhan man ang publiko nga likawan ang pooled water bangud mahimo nga may yara ini sang higko nga nagikan sa imburnal.
Nagpangayo man si Adams sang pasaylo sa iya mga fans sa malip-ot nga tion sang cancellation.
Nagpromisa naman ang mga organizers nga irefund para sa ticket holders kag ginpahayag man nga indi nila kontrolado ang kanselasyon.
