Magasugod na subong nga adlaw, Mayo 7, ang conclave ukon ang sekreto nga pagtililipon sang mga Catholic Cardinals agud mag-eleher sang magabulos kay Pope Francis.
133 ka mga cardinal electors ang nagsaylo na sa Vatican accomodation sang Martes kag magatipon sa Sistine Chapel pagka-Miyerkules para sa isa ka eleksyon nga posible magdugay sang inoras, inadlaw ukon binulan.
Sila ang masami nga nagatinir sa Santa Marta guesthouse sa Vatican, nga may yara sang en-suite bathrooms kag hotel style room service apang wala sang supisyente nga kwarto para sa ila tanan.
Nagikan sa 70 ka mga pungsod sa lima ka mga kontinente, ang ini nga conclave ang pinakadako kag makabig nga most international sa maragtas sang simbahan.
Sa karun, may yara sang indi magnubo lim aukon anum ka mga contenders agud mangin masunod nga Santo Papa.
