-- ADVERTISEMENT --
Nag-umpisa na ang conclave sa Vatican agud nga magpili sang magabulos kay Pope Francis nga nagtaliwan sadtong Abril 21 paagi sa pagboto sa Sistine Chapel.
Kinahanglan nga makuha sang isa ka kandidato ang duha ka tatlo ka bahin sang boto nagikan sa 133 ka cardinal electors agud mangin bag-o nga Santo Papa.
Sa tion nga wala sang napili nga Santo Papa matapos ang tatlo ka adlaw, ang pagboto ang magauntat sang 24 oras agud nga maghatag sang oras sa mga cardinal nga makapanumdom.
Ang resulta sa kada round sang botohan ang ipahayag paagi sa aso gikan sa Chimney sang Sistine Chapel, itum nga aso kung wala sang napili kag puti nga aso kadungan sang pag-ring sang lingganat kun may yara na sang Santo Papa.
