Ginaalegar isa ka confidential agent sang National Bureau of Investigation (NBI) ang gin-aresto kasunod sang insidente sang pagpangluthang sa Senado kagab-i suno kay Sen. Imee Marcos.
Suno kay Sen. Marcos, may yara sila sang nadakpan nga isa ka ginapatihan katapo sang NBI matapos sini balikan kag kuhaon kuntani ang iya nga tactical bag nga nabilin sa hagdanan sang ikaduha nga panalgan sang Senado kun sa diin nabatian ang serye sang linupok sang pusil.
Wala naman ginhingadlan sang senador ang nasambit nga agent.
Suno diri, ginpangalanan sang suspek kun sin-o ang nagmando sa ila nga patigayunon ang operasyon kag ini ang ginkilala nga si “Atty. Bomediano”, sang Organized and Transnational Crime Division (NBI-OTCD).
Ginsambit man sang confidential agent nga ang iya superior ang nag-mando nga arestuhon si Senator Ronald “Bato” dela Rosa, nga nagapangatubang sang arrest warrant naggikan sa International Criminal Court may kaangtanan sa iya nangin papel sa kampanya kontra illegal nga droga sang administrasyon Duterte.
Nagpanawagan si Marcos kay Bomediano nga magpaathag sa natabo nga tensyon sa Senado kagab-i sa diin ginpaidalom sa lockdown.
