Natalana na nga i-turn over sa National Head Quarters sang Philippine Coast Guard ang resulta sang confirmatory test sang siyam ka mga personnel sang nasambit nga ahensya nga nagpositibo sa ginpatigayon nga random drug test.
Sa interview sang Bombo Radyo Bacolod kay Lieutenant Junior Grade (LTJG) Ronnielyn Lapitan, spokesperson sang Philippine Coast Guard-Station Northern Negros, ginpahibalo ini nga ang tanan nga imbestigasyon, statements kalakip na ang resulta sang confirmatory test sang siyam ka mga nga nagpositibo sa random drug test.
Suno kay Lapitan, ang mga nasambit nga mga personnel ang na-relieve man gilayon sa ila nga duty kag sa karun nagapadayon pa ang imbestigasyon angot diri.
Madumduman nga siyam ka mga katapo sang Coast Guard District Southern Visayas ang nagpositibo sa ginpatigayon nga random drug test.
Ang mga ini ang ginpaidalom sa confirmatory testing kag kun mapamatud-an sa resulta ang paggamit sang illegal nga droga, sila ang mahimo mangatubang sang kaso administratibo kag ma-dismiss sa serbisyo.
