Sa ulihi nga pag-atubang sa witness stand ni former COA Intelligence and Confidential Funds Audit Office State Auditor Atty Roderick Wamil siya ang ginpaidalom sa clarificatory questions kag manifestations sang mga Senator-judges.
Una nga nagpamangkot si Senator Raffy Tulfo kag ginklaro sini kun matawag nga “conflict of interest” ang nauna nga pagpadulong sang kampo ni VP Sara sa Commission on Audit, nga una nabuyagyag kahapon, Agosto 4.
Naghingyo aman ni Defense counsel Atty. Michael Poa sa Senate Impeachment Court nga siya ang makahatag sang paathag angot sa pagsapol sa mga opisyales sang Department of Education sa Commission on Audit.
Hingyo ni Poa, nga luyag niya nga mahatagan sang duha ka minutos nga makapaathag sa nasambit nga meeting.
Apang, ini ang wala gintugutan ni Senate Impeachment Trial Presiding Officer Chiz Escudero.
