-- ADVERTISEMENT --

Tinguhaon ni Bacolod City Lone District Representative Alfredo “Albee” Benitez nga mapondohan ang mga floodgates kag pumping station project sa Bacolod.

Kahapon nagpatigayon sang meeting sa Bacolod City Government Center nga ginpangunahan ni Bacolod City Mayor Greg Gasataya, kag Vice Mayor Kalaw Puentevella kaupod ang mga katapo sang Disaster Risk Reduction Council.

Nagtambong man si Congressman Albee Benitez sa nasambit nga pagsinapol.

Suno kay Congressman Benitez, dapat unahon gid ang floodgates kag pumping stations plan.

Suno kay Benitez, tinguhaon sini nga makakuha sang pondo sa appropriations agud nga matigayon nga mapatuman ang nasambit nga mga plano nga ginalantaw mga solusyon sa nagluntad nga pagbaha sa ciudad sang Bacolod.

-- ADVERTISEMENT --

Suno sa kongresista indi lamang ang ciudad sang Bacolod ang nakaeksperyensya sang pagbaha bangud bilog nga kalibutan kag ini man ang bangud sa climate change nga nagasaka ang lebel sang tubig.

Bangud sini kinahanglan sang Engineering intervention nga mapunggan ang pagsulod sang tubig sa ciudad gikan sa baybay kag may yara dapat sang pumping stations nga mapagwa ang tubig gikan sa ciudad sa tion nga mag-ulan.

Ginpahayag man nga indi lang man ang basura ang gintunaan sang pagbaha bangud ang volume sang tubig nga dala sang ulan ang mas madamo kag bisan ano pa kalimpyo kag maayo ang drainages indi na ini makasarangan.

Suno diri ang tutukan sa karun ang outfall ukon ang ginagwaan sang tubig.