Nakigsapol na si Bacolod City Lone District Congressman Alfredo Benitez sa mga Brgy officials sang Brgy 27 angot sa plano sa mga biktima sang sunog nga nagluntad sang Biyernes sang kaagahon.
Suno kay Benitez, sadto sang siya pa ang alkalde sang ciudad naesturyahan na ang redzones kag nalakip diri ang Brgy 27.
Suno diri, ang area wala naglabay sa safety compliance kag wala sang regulation kag government intervention.
Sa karun plano sini nga magpasar sang resolusyon para sa preventive measure sa mga red zone areas.
Pahayag ni Benitez, dapat may yara sang minimum safety standards kaangay sang pagligwa sang dalan agud makasulod ang firetrucks, pagbutang sang fire hydrants kag iban pa.
Samtang, nagpalab-ot na si Benitez sang bulig sa mga nasunogan kag naghatag ini sang P10,000 nga financial assistance sa 217 ka home owners; P5,000 sa 26 ka renters kag P3,000 sa 13 ka shares.
Ini tanan naghalin mismo sa personal nga kwarta sang kongresista.
