Bukas si Bacolod City Mayor and Congressman elect Alfredo ‘Albee’ Benitez kun siya ang pilion nga mangin House Speaker sa 20th congress.
Suno kay Benitez, may choice ang iya mga kaupod kun ano ang mangin desisyon nila sa pagconvene sang kongreso.
Suno diri, wala siya sang plano nga kuhaon ang posisyon bangod nagpapili ini bilang kongresista agud mapromote ang interest sang ciudad sang Bacolod.
Pahayag ni Benitez, kun ano man ang mangin desisyon sa House of Representatives iya ini respetohon.
SAMTANG ginpahayag ni Bacolod City Mayor and Congressman elect Alfredo ‘Albee’ Benitez nga i-refile sini ang House Bill 297 sa pagtukod sang second legislative districts sa ciudad.
Suno kay Benitez, pabor ini nga may duha ka distrito sa ciudad para sa ikasanyog sang Baoclod.
Ang ciudad matunga sa Norte kag Sur kun sa diin mangin kabahin sang First Legislative District ang barangay 1 – 31, 33, 41 Alangilan, Banago, Bata, Estefania, Granada, Mandalagan, Monte Vista, Villamonte, kag Vista Alegre samtang mangin kabahin naman sang Second Legislative District ang brgy 32, 40, Alijis, Cabug, Felisa, Handumanan, Mansilingan, Pahanocoy, Punta Taytay, Singcang-Airport, Sum-ag, Taculing, kag Tangub.
May yara sang adjustment sa city council kun sa diin walo ka city councilor ang ibutang kada destrito kag masaka sa 16 ang elected members halin sa 12 ka miyembro nga may yara sa karun.
