-- ADVERTISEMENT --
Ginalauman ang pagbaylo sa liderato sa Kamara suno sa impormasyon nga nagalapta sa sulod sang Kongreso.
Matunog ang pangalan sa karun ni Deputy Speaker Faustino “Bojie” Dy sang 6th District sang Isabela nga posible magbulos kay House Speaker Martin Romualdez.
Antes ini, nagwa na ang pangalan sang pila ka mga mamalidha nga ginalakipan nanday Antipolo 1st District Congressman Ronaldo Puno; Cebu 5th District Representative Vince Franco Frasco; Navotas Representative Toby Tiangco; kag Bacolod City Lone District Representative Albee Benitez.
Apisar nga may mga pahayag nga tsismis lamang ang nasambit nga mga balita, daw kaangay nga nangin konkreto ang tikang sang pagbaylo sang liderato sa Kamara sang pagbukas sang session.
