Nagpanawagan ang House Minority Leader sa Philippine National Police (PNP) nga ipakita nga sila ang wala sang ginadampigan paagi sa pag-aresto kay Kingdom of Jesus Christ leader Pastor Apollo Quiboloy.
Sa interview sang Bombo Radyo Bacolod kay ACT Teacher’s Partylist Representative France Castro, suportado sini ang pahayag ni Senator Riza Hontiveros nga kaangay nga ginapaboran ang pastor
Ini kasunod sa paghatag sang anom ka bulan agud masurrender ang mga armas luthang matapos ginrevoke ang iya nga gun license, nga tuman ka lawig nga pahanunot para sa senadora.
Nagapati ini nga wala sang kaangay nga guidelines ang PNP, kag sa pagrevoke sang gun license sila ang may diber na nga makapatigayon sang mga search operations.
Suno kay Castro, sa sulod sang isa ka bulan dapat magpakita na si Quiboloy sa ginapatigayon nga Congressional kag Senate hearing.
Positibo ini nga yara lamang sa Pilipinas ang pastor bangod nakatambong pa ini sa mga events kag makita nga upod sang pila ka pulitiko kag mga kapulisan.
Apang kaangay nga ini ang ginahatagan sang special treatment gani wala gina-aresto.
Aminado ini nga manggaran si Quiboloy gani madamo man ini sang sarang masuhulan.
Ini ang dapat challenge na sa PNP, agud mapakita nga sila ang pata sa pagpatuman sang hustisya.
Ginahangkat sini si PNP chief General Rommel Francisco Marbil nga ipakita nga sila ang madasig sa paghulag kag patas sa pagpatuman sang layi.
