BACOLOD CITY – Nagpaathag ang congressman sang Lone District sang Bacolod kun nga-a wala ini nakit-an nga nagtindog kag naghambal sang rason sa “Yes” vote sini sa pagpasar sang death penalty bill sa Kamara de Representantes tinalikdan nga Martes.
Suno kay Congressman Greg Gasataya, yara ini sa plenaryo sang ginpatigayon ang binotohay apang wala na ini nagtindog agud ipaathag ang iya nga boto bangud man sang kakulang na sang oras.
Suno diri may yara sang option ang mga kongresista kun magatindog kag magpaathag sang ila boto ukon isulat na lang ang ila nga rason kag isumiter ini
Ginpili ni Gasataya nga isulat na lang ang iya nga rason sa pagboto.
Si Cong. Gasataya ang nagboto pabor sa House Bill 4727 ukon ang hagna nga naga tuyo nga buhion ang silot nga kamatayon para sa mga krimen may kaangatanan sa iligal nga droga.
